Елена Рыбакина Уимблдон-2025 турнирінің келесі кезеңіне өтті

Әлемнің 11-ракеткасы Елена Рыбакина Лондонда (Ұлыбритания) өтіп жатқан «Уимблдон-2025» турнирінің екінші айналымына жолдама алды, деп хабарлайды Azattyq Rýhy.

Армениялық қарсыласын сенімді жеңді

Бірінші айналымда Рыбакина WTA рейтингінде 49-орында тұрған армениялық теннисші Элина Аванесянды 6:2, 6:1 есебімен жеңді.

Матч бір сағатқа созылды. Ойын барысында Рыбакина 3 эйс жасады, 6 брейк-пойнттың 5-еуін сәтті пайдаланды.

Келесі қарсылас – грекиялық Мария Саккари

Турнирдің екінші айналымында Рыбакина Грекия өкілі Мария Саккаримен кездеседі.

Қазақстан атынан тек Рыбакина қалды

Уимблдон турнирінің жекелей сынында Қазақстан атынан тек Елена Рыбакина ғана жарысты жалғастырып жатыр. Жарыс жолынан шығып қалған қазақстандықтар:

• Александр Бублик;
• Александр Шевченко;
• Бейбіт Жұқаев;
• Юлия Путинцева.