«Қазгидромет» үш қаланың тұрғындарына ескерту жасады

Еліміздің үш қаласында атмосферада зиянды заттардың шоғырлануы күшейеді. Осыған байланысты «Қазгидромет» ескерту жасады, деп хабарлайды Azattyq Rýhy.

Ауа ластануының себебі – қолайсыз метеожағдайлар

Синоптиктердің мәліметінше, бұл құбылыс бірнеше ауа райы факторының тоғысуымен байланысты. Атап айтқанда, зиянды қосындылар жер бетіндегі ауа қабатында жиналып, таралмайды.

«2025 жылғы 2 шілдеде қолайсыз метеорологиялық жағдайлар Жезқазған, Алматы қалаларында және түнгі уақытта Астана қаласында күтіледі», – делінген «Қазгидромет» РМК хабарламасында.

Қолайсыз метеожағдай деген не?

Қолайсыз метеожағдайлар (ҚМЖ) – бұл атмосфералық құбылыстардың жиынтығы, олардың әсерінен ауадағы ластаушы заттар таралмай, қоршаған ортада жиналып қалады.

ҚМЖ туындауына себеп болатын факторлар:

• Тымық ауа райы;

• Баяу жел;
• Тұман;
• Температуралық инверсия (жоғары қабаттардағы ауа жылырақ болуы)

ҚМЖ неліктен қауіпті?

Мұндай жағдайлар:

• Ауаның сапасын уақытша нашарлатады;
• Ластану деңгейін арттырады;
• Өнеркәсіп орындары немесе көлік тығыз орналасқан аудандарда қауіп төндіреді;
• Денсаулығы осал адамдарға (балалар, қарттар, тыныс алу аурулары бар азаматтар) ерекше зиян.