Қазақстандық палуандар Түркияда өткен турнирде 5 медаль жеңіп алды

Нұрқожа Қайпанов пен Ризабек Айтмұхан алтын медаль жеңіп алды

Фото: Olympic.kz

Қазақстан құрамасы еркін күрестен Түркияның Коджаэли қаласында өткен халықаралық турнирде бес медаль жеңіп алды, деп хабарлайды Azattyq Rýhy.

Жеңіс тұғырының ең биік сатысына Нұрқожа Қайпанов (74 келіге дейін) пен Ризабек Айтмұхан (97 келіге дейін) көтерілді.

Сонымен қатар команда қоржынына үш күміс медаль түсті. Начын Куулар (70 келіге дейін), Азамат Дәулетбеков (86 келіге дейін) және Әлішер Ерғали (125 келіге дейін) екінші нәтиже көрсетті.

Қазақстан командалық есепте Түркияға есе жіберіп, екінші орынға ие болды. Үшінші орын Болгарияға бұйырды.

Мақалада

#еркін күрес #палуан #Ризабек Айтмұхан

Алдыңғы жаңалық

Алматыда «Газель» жүргізушісі аялдамаға соғылып, бойжеткенді қағып кетті