Алматы облысында 1 тоннадан астам есірткі тәркіленді

Алматы облысында жыл басынан бері 1 тоннадан астам есірткі тәркіленді, деп хабарлайды Azattyq Rýhy.

Есірткімен күрес нәтижелері: рекордтық тәркілеу көрсеткіші

2025 жылы облыс бойынша есірткі мен психотроптық заттарды тәркілеу көлемі 361%-ға артты – 239 кг-нан 1 104 кг-ға дейін.

Оның ішінде:

• Гашиш – 12,5%-ға өсті (8 кг-дан 9 кг-ға дейін);
• Каннабис өсімдігі – 0-ден 900 кг-ға дейін;
• Синтетикалық есірткі – 7%-ға өсті (164 кг-дан 176 кг-ға дейін)

Талғар ауданында ірі лаборатория жойылды

2025 жылдың мамыр айында Талғар ауданында өндірістік ауқымдағы есірткі лабораториясы жойылып, 8 тонна прекурсор, 135 кг дайын өнім (a-PvP немесе «скорость») тәркіленді. Бұл – 200 мыңнан астам дозаны құрайды. Қара нарықтағы құны – шамамен 3 миллиард теңге

850-ден астам есірткіге қатысы бар банктік шот бұғатталды

Бас прокуратураның тапсырмасына сәйкес, 850-ден астам есірткімен байланысты банктік есепшоттар бұғатталып, арестке алынды. Жалпы сомасы – 86 миллион теңге.