Астанада жемқорлардан қайтарылған ақшаға UEFA талаптарына сай келетін стадион салынып жатыр

Қазақстанда заңсыз иемденілген активтерді мемлекет меншігіне қайтару жұмысы қарқынды жүріп жатыр. Мемлекет басшысы Қасым-Жомарт Тоқаевтың тапсырмасына сәйкес, қайтарылған қаражаттар ел көлеміндегі әлеуметтік инфрақұрылымды дамытуға бағытталуда, деп хабарлайды Azattyq Rýhy.

Қайтарылған қаражат арнаулы қорға түседі

Барлық қайтарылған актив ҚР Қаржы министрлігі жанындағы Арнаулы мемлекеттік қорға шоғырландырылып, тек әлеуметтік маңызды жобаларға бағытталады.

Қазіргі таңда 406 жобаны қаржыландыру мақұлданды:

• 162 жоба – денсаулық сақтау саласында;
• 159 жоба – сумен жабдықтау саласында;
• 9 жоба – білім беру саласында;
• 3 жоба – спорт саласында.

Жалпы алғанда 400-ден астам нысанның құрылысы немесе жаңғыртылуы жүзеге асырылуда.

Басты басымдық – халыққа қажетті инфрақұрылым

Бұл жобалар президенттің әлеуметтік маңызы бар инфрақұрылымды дамыту жөніндегі нақты тапсырмасына сай іске асырылуда.

• Білім беру нысандары – сапалы білімге қолжетімділікті арттырады;
• Спорт нысандары – бұқаралық спорт пен салауатты өмір салтын дамытуға жол ашады;
• Медициналық мекемелер – шалғай ауылдарда қолжетімді медициналық қызмет көрсетуді қамтамасыз етеді;
• Су жүйелері – 2025 жылға дейін елдегі барлық ауыл мен қаланы таза ауыз сумен қамтамасыз етуге бағытталған.

«Ауылда денсаулық сақтауды жаңғырту» – нақты қадамдар

Шалғай елді мекендерде «Ауылда денсаулық сақтауды жаңғырту» ұлттық бағдарламасы аясында жаңа медициналық мекемелер бой көтеріп жатыр. Бұл ауыл тұрғындарының өмір сүру сапасын арттырып, алғашқы медициналық көмекке қолжетімділікті жақсартады.

Ел игілігіне бағытталған 318 млрд теңге

Барлығы 318 миллиард теңгеге жуық қаражат нақты әлеуметтік қажеттіліктерге бөлінді. Бұл қаржының игерілуі халықтың күнделікті өміріне тікелей оң әсер етіп, өңірлік теңсіздікті азайтуға, инфрақұрылымды жаңартуға жол ашады.

Жаңа құрылыс нысандары бой көтереді

Өңірлерде қайтарылған активтер қаражаты есебінен білім беру мекемелері, спорт кешендері, денсаулық сақтау және сумен жабдықтау нысандарының құрылысы белсенді түрде жалғасуда.

Астанада ескі стадионның орнына Қ.Мұңайтпасов атындағы жаңа стадион салынуда. Жабық спорт ғимараты мүгедектігі бар азаматтарға арналған орындарды қосқанда, 3598 орынға есептелген. Құрылыс UEFA халықаралық стандарттарына сәйкес жүргізілуде.

Алматыда қайтарылған қаражат есебінен сумен жабдықтау жүйесін салу бойынша 9 жоба жүзеге асырылуда.

Шымкент қаласындағы «Сайрам көмекші мектеп-интернат-колледжі» кешенінің тәрбиеленушілері үшін қайтарылған қаражатқа 300 орындық жатақхана салынады.

Шығыс Қазақстан облысында қайтарылған активтерге ауқымды жоба жүзеге асырылуда. Медициналық мекемеде 2 ғимарат: 148 орындық стационар және 24 төсек-орындық клиниканың пациенттеріне арналған қонақ үй жоспарланған.

Бас ғимаратта заманауи медициналық жабдықтармен зертханалар, радиациялық диагностика, кардиология, кардиохирургия, гематология, сүйек кемігін трансплантациялау және күрделі соматика бөлімшелері жабдықталады. Жаңа Орталық науқастарға емдеудің және оңалтудың озық әдістеріне қол жеткізуге мүмкіндік береді.

Сонымен қатар қайтарылған активтер есебінен өңірде тағы 8 жоба іске асырылуда, оның 2-еуі – денсаулық сақтау және 6-ауы – сумен жабдықтау саласында.

Солтүстік Қазақстан облысында бүгінде өңірді сумен жабдықтауды жақсартуға бағытталған жобалар жүзеге асырылуда. Арнаулы мемлекет қор қаражаты есебінен Соколов, Булаев және Пресновский топтық су құбырларын қайта жаңарту, сондай-ақ Көкшетау топтық су құбырына қосылған Айыртау ауданы мен Шал ақын ауылдық елді мекендеріне жаңа су құбырлары мен бұрмалар салу жүріп жатыр. 

Қарағанды облысында 7 ауданда 51 денсаулық сақтау объектісін – дәрігерлік амбулаторияларды, сондай-ақ фельдшерлік-акушерлік және медициналық пункттерді салу жоспарлануда.

Ақмола облысында денсаулық сақтау, сумен жабдықтау және спорт саласында 38 жоба жүзеге асырылуда. Қайтарылған активтер есебінен екі медициналық нысан ашылды. Аршалы ауданының Арнасай ауылында 2 мыңнан астам адамға қызмет көрсететін дәрігерлік амбулатория пайдалануға берілді, ал Бұланды ауданының Алтынды ауылында фельдшерлік-акушерлік пункт салынды. 1 мыңнан астам азаматы бар үш елді мекеннің тұрғындары уақтылы медициналық көмекке сене алады.