Алматы тұрғыны вокзалға бомба қойылғаны туралы жалған хабар бергені үшін 4 жылға сотталды

Алматы қаласының 44 жастағы тұрғыны теміржол вокзалдарында бомба қойылғаны туралы бірнеше рет жалған хабарлама жасағаны үшін сотталды. Ол жазасын өтеу барысында төрт рет таксофон арқылы қоңырау шалып, жарылғыш зат жайлы хабарлаған, деп хабарлайды Azattyq Rýhy.

Эвакуация мен миллиондаған шығынға себеп болды

Оның жалған хабарламалары төтенше жағдайлар қызметтерінің жұмылдырылуына және эвакуация жүргізілуіне себеп болды. Салдарынан мемлекеттік органдарға келтірілген материалдық шығын 3,3 миллион теңгеден асты.

Сараптама: қауіп нақты болды

Жүргізілген сараптамалар нәтижесінде:

• Қоңырау шалған тұлға нақты анықталды;
• Оның айтқандарында қауіп төндіретін белгілер бары расталды.

Қылмыстық жауапкершілік және өтемақы

Сот күдіктіні ҚР Қылмыстық кодексінің 273-бабы бойынша кінәлі деп танып, 4 жылға бас бостандығынан айырды. Сонымен қатар, сотталушы мемлекетке келтірілген шығынды өтеуге міндеттелді.

Прокуратура ескертеді

Көлік прокуратурасы мұндай әрекеттердің қоғамдық қауіпсіздікке елеулі қатер төндіретінін, әрі ауыр салдарға алып келуі мүмкін екенін ескертеді. Жалған хабарламалар – ауыр қылмыс.