Шпаргалка мен смартфонсыз өткен жоқ: ҰБТ-да жүздеген тәртіп бұзушылық тіркелді

Биыл 16 мамырда басталған негізгі Ұлттық бірыңғай тестілеу аясында бүгінге дейін 214 мыңға жуық тестілеу өткізілді, деп хабарлайды Azattyq Rýhy.

• Талапкерлердің 74%-ы қазақ тілінде;
• 26%-ы орыс тілінде;
• 182 адам ағылшын тілінде тест.

Орташа балл – 66, ең жоғары нәтиже – 140 балл

ҰБТ-ның алғашқы төрт аптасында:

• Орташа балл 66 болды.
• Талапкерлердің 70%-ы шекті балды жинады.
• Ең жоғары балл – 140. Ол Түркістан облысынан Әбілхан Жәнібекке тиесілі. Ол бұл нәтижеге алғашқы аптада қол жеткізді.

Ең танымал пән комбинациялары

Қатысушылар арасында келесі комбинациялар кеңінен таңдалған:

• 18% – «Математика-Физика»;
• 15% – «Биология-Химия»;
• 14% – «Шығармашылық емтихан».

Ерекше білім беру қажеттілігі бар талапкерлер

Ерекше білім беру қажеттілігі бар 592 талапкер үшін арнайы жағдай жасалып, олар да тестілеуге толыққанды қатысқан.

Ереже бұзушылар саны – 304

Төрт апта ішінде:

• 146 адам тыйым салынған затпен (смартфон, шпаргалка) кірмек болғаны үшін тестілеуден шеттетілді;
• 157 адам тестілеу кезінде тәртіп бұзғаны үшін аудиториядан шығарылып, нәтижелері жойылды;
• 1 адамның нәтижесі тест жазбасын қарап шыққаннан кейін жойылды;
• Басқа адамның орнына кіру дерегі тіркелмеген.

Апелляция және бейнежазба тексерісі

• Тест аяқталғаннан кейін 30 минут ішінде апелляция беруге болады.

• Техникалық ақаулар болған жағдайда апелляция тест кезінде қабылданады.
• Нәтиже сертификаттары – жеке кабинетте апелляциядан кейін қолжетімді болады.
• Тест нәтижелеріне әсер етуі мүмкін бейнежазбалар 31 қазанға дейін тексеріледі.

ҰБТ-ға қатысуға 399 мыңға жуық өтініш келіп түсті

Биылғы жылы ҰБТ-ға қатысу үшін:

• 216 мың талапкер;
• Барлығы 399 мың өтініш берген.