Олар «Тау ішінде» әнін қазақша орындады
Қазақ тілінде шырқалған Димаштың әні әлемді тамсандырды. Сербиядағы кішкентай балалар «Тау ішінде» әнін таза қазақша орындап, әлеуметтік желі қолданушыларын тәнті етті. Бұл көрініс Димаш Құдайбергеннің қазақ мәдениетін насихаттаудағы ықпалын тағы бір мәрте дәлелдеді, деп хабарлайды Azattyq Rýhy.
Видеода балалар фортепиано сүйемелдеуімен қазақ тілінде ән айтып тұр. Ән — Димаштың жаңа туындысы «Тау ішінде». Көрермендер видеоға сүйсініп, желіде кеңінен бөлісті
«Қандай ғажап! Балалар қазақ тілінде ән айтып отыр. Бұл — Димаштың әсері», – деп жазды желі қолданушылары.
Олар «Бүкіл әлемді қазақша сайратқан Димашқа алғыс!», «Қазақ тіліне осылай ғашық болуға болады екен», «Димаш — қазақ мәдениетінің жаһандық елшісі» деп тамсана жазып жатыр.
Димаш Құдайбергеннің шығармашылығы арқылы қазақ тілі мен әні:
«Бұл — жай ғана фанаттық емес, қазақ тіліне деген құрмет», – дейді тыңдармандар.
Айта кетсек, жақында Перу елінің желі қолданушысы Kasandra Libdim Димаштың орындауына ерекше әсерленгенін жазған еді. Сонымен қатар Димаш Құдайбергеннің Парагвай еліндегі ресми фан-клубы 24 мамырда әншінің туған күніне орай Асунсьон қаласында ерекше қайырымдылық шарасын ұйымдастырды.Оған дейін Астана қаласындағы ең ірі экранда Димаштың суреттері шыққаны хабарланған еді. Әншінің тағы бір жанкүйері Алматы қаласына арнайы келіп, дәмханада асылған етке тапсырыс берді
Естеріңізге сала кетсек, әнші Димаш Құдайберген Алматыда өткен концертінде өнердегі бір топ әріптесімен бірге ән салды.