Джорджа Мелониге ұлттық киім сыйға берілді

Әлеуметтік желіде Қазақстан президенті Қасым-Жомарт Тоқаев пен Италия министрлер кеңесінің төрағасы Джорджа Мелонидің Ақордадағы суреті жарияланды, деп хабарлайды Azattyq Rýhy.

Суретте Италия премьер-министрі Қазақстан президенті сыйға тартқан қазақтың ұлттық шапанын киіп тұрғанын байқауға болады.

«Мәртебелі мейманға қазақы құрмет көрсетілді. Джорджа Мелониді қазақтың қонақжайлық дәстүріне сай қарсы алды», – деп жазылған суретке қоса берілген жазбада.

Сурет Telegram желісіндегі «Борт №1» арнасында жарияланған.

Айта кетейік, Италия министрлер кеңесінің төрағасы кеше Қазақстанға ресми сапармен келген болатын. Бүгін Астанада екі ел басшылары арасында келіссөздер өтті.