Ақмола облысында есірткі өндіретін ірі зертхана ашқандар ұсталды

Ақмола облысы прокуратурасының үйлестіруімен жүргізілген жедел-іздестіру іс-шаралары барысында облыстық Полиция департаменті синтетикалық есірткі өндіруге арналған зертхананы анықтады, деп хабарлайды Azattyq Rýhy.

Тінту кезінде тәркіленгендер:

• 200 граммға жуық синтетикалық есірткі;

• 150 килограмм химиялық прекурсорлар;
• Есірткі өндіруге арналған зертханалық жабдықтар;
• 9 миллион теңгеден астам қолма-қол қаражат;
• 2 бірлік атыс қаруы.

Қылмыстық әрекетті ұйымдастырды деген күдікпен 42 жастағы ер адам мен оның сыбайласы ұсталып, уақытша ұстау изоляторына қамалды.

Сараптама және тергеу:

Тәркіленген заттар бойынша тиісті сот-химиялық сараптамалар тағайындалды. Аталған дерек ҚР Қылмыстық кодексінің 297-1-бабы 3-бөлігі бойынша сотқа дейінгі тергеп-тексерудің бірыңғай тізіліміне енгізілді.

Жаза түрі:

Күдіктілерге қатысты баптың санкциясы бойынша мүлікті тәркілеумен бірге 15 жылға дейін бас бостандығынан айыру жазасы қарастырылған.

Қазіргі уақытта тергеу амалдары жалғасуда, іс облыс прокуратурасының бақылауында.