Астананың орталық көшелерінің бірі тағы бірнеше күнге жабылып қалды

Астана қаласындағы Тәуелсіздік даңғылы жөндеу жұмысына байланысты тағы бірнеше күнге жабылып қалды, деп хабарлайды Azattyq Rýhy.

Қала әкімдігі аталмыш көше қай күндері жабық болатынын түсіндірді.

Осыған байланысты:

• 28 және 29 мамырда Б. Майлин көшесінен Күйші Дина көшесіне дейінгі учаскеде қозғалыс ішінара жабылатын болады;
• 30 және 31 мамырда Күйші Дина көшесінен Қажымұқан Мұнайтпасов көшесіне дейінгі учаскеде қозғалыс ішінара жабылатын болады.

Осы уақытта көлік қозғалысы екі бағытта бір жағынан кезең-кезеңімен ұйымдастырылады.

«Жүргізушілер мен жаяу жүргіншілер қозғалыс бағытын алдын ала жоспарлауы және ықтимал өзгерістерді ескеруі қажет. Қауіпсіздікті қамтамасыз ету және қолайсыздықты азайту үшін уақытша жол белгілері мен көрсеткіштер орнатылатын болады», - делінген қалалық әкімдік хабарламасында.