26 мамырда Қазақстанда найзағай ойнап, үсік жүреді

Қазгидромет мамандары 26 мамырға арналған ауа райы болжамын жариялады, деп хабарлайды Azattyq Rýhy.

Синоптиктердің мәліметінше, еліміздің басым бөлігінде ауа райы тұрақсыз болады – жаңбыр жауып, найзағай ойнайды.

Қай өңірлерде жауын-шашын күтіледі?

• Шығыс пен оңтүстік-шығыста – жаңбыр жауып, кей жерлерде қатты жаңбыр болады;
• Орталық, шығыс, оңтүстік-шығыс аймақтарда – бұршақ пен дауыл болуы мүмкін;
• Батыс, солтүстік-батыс, оңтүстік өңірлерде – жауын-шашынсыз ауа райы сақталады.

Ауа райының қауіпті құбылыстары

• Күндіз еліміздің бірқатар облысында жел күшейеді;
• Оңтүстік пен оңтүстік-шығыста – шаңды дауыл көтеріледі;
• Түнгі және таңғы уақытта тұман түседі.

Үсік қаупі бар өңірлер

26 мамыр күні түнде мына облыстарда 1–6 градусқа дейін үсік жүруі мүмкін:

• Солтүстік Қазақстан
• Қостанай
• Ақтөбе (солтүстігі мен шығысы)
• Ақмола (батысы, солтүстігі, шығысы)
• Павлодар (батысы, солтүстігі)
• Қарағанды (батысы мен солтүстігі)
• Ұлытау (солтүстік аудандары).