Кәмелетке толмаған өгей қызын зорлаған: Қостанай облысында ер адамның мәйіті табылды

Қостанай облысында өгей қызын зорлады деген күдікке ілінген ер адамның мәйіті табылды, деп хабарлайды Azattyq Rýhy.

Облыстық Полиция департаментінің редакция тілшісіне берген жауабында ер адамның көз жұмғанын растады.

«Кәмелетке толмағанға қатысты сексуалдық сипаттағы зорлық-зомбылық әрекеттері бойынша, сондай-ақ зорлық-зомбылық белгілерінсіз ер адамның мәйітін табу фактісі бойынша полиция қылмыстық істерді қозғады.

Қазіргі уақытта барлық қажетті тергеу әрекеттері жүргізіліп жатыр.

Процессуалдық шешім тиісті сараптамалардың нәтижелері алынғаннан кейін қабылданады», - делінген облыстық Полиция департаментінің редакция тілшісіне берген жауабында.