Елордада дезинфекциялауға байланысты автобус бағыттары өзгерді

Нұр-Сұлтан қаласында 8 автобустың бағыты өзгерді, деп хабарлайды Azattyq Rýhy тілшісі елорда әкімдігінің баспасөз қызметіне сілтеме жасап.

«Бұл - жөндеу және дезинфекция жұмыстарына байланысты. «City Transportation Systems» ЖШС №19, 40, 29, 14, 32, 3, 4, 4А бағыттары қозғалыс кестесін уақытша өзгертетінін хабарлады», - деп жазылған хабарламада.

Естеріңізге сала кетсек, ҚР Қарулы Күштерінің әскерилері Нұр-Сұлтан қаласында дезинфекция жұмыстарының екінші кезеңін бастады. Сонымен қатар 150-ге жуық көше жөнделіп жатыр.