Есікті ішінен жауып алған: Ақтөбеде кішкентай бала гаражда қамалып қалды

Ақтөбеде кішкентай бала гаражда қамалып қалды, деп хабарлайды Azattyq Rýhy.

ТЖМ мәліметіне сәйкес Ақтөбе қаласының 112 пультіне әйел адам қоңырау шалған. Айтуынша ол машинамен жолға шығу үшін қызымен бірге гаражға кірген. Гараждан шыққан кезде қызы есікті ішінен жауып алған. Кілттер  ішінде қалып қойған. Қызы жылай бастаған соң құтқарушылардан жәрдем сұраған.

«Құтқарушылар шақыру орнына келіп, арнайы құралдың көмегімен гараждың есігін ашты. Қуанған анасы баланы қатты құшақтап, құтқарушыларға алғысын білдірді», - деп жазылған хабарламада.

Оқиға Ақтөбе қаласының Алматы ауданындағы Кирпичная көшесінде орналасқан жеке тұрғын үйдің аумағында болған.