Алматының оңтүстік-шығысында жер сілкінісі тіркелді

Жер сілкінісінің ошағы Қытай аумағында орналасқан

Фото: © istockphoto.com

4 мамыр күні Қазақстанның Ұлттық сейсмологиялық бақылау және зерттеу ғылыми орталығы Алматы қаласының оңтүстік-шығысында жер сілкінісі тіркелгенін хабарлады, деп хабарлайды Azattyq Rýhy.

Сейсмикалық станциялар желісінің мәліметінше, жер сілкінісі Астана уақыты бойынша 11:45-те тіркелген. Табиғи құбылыстың координаттары: солтүстік ендік 41.670, шығыс бойлық 82.310. Жер сілкінісінің ошағы Қытай аумағында, Алматыдан 477 шақырым оңтүстік-шығыс бағытта орналасқан.

Сейсмологтар жер сілкінісінің Қазақстан аумағында сезілуі туралы ақпараттың тіркелмегенін мәлімдеді.

Мақалада

#Алматы #Қытай #Қазақстан #жер сілкінісі #сейсмикалық станция #сейсмология

Алдыңғы жаңалық

Қазақстанда шегірткеге қарсы күреске 50-ден астам агродрон тартылды