АҚШ полициясы халықтан тізерлеп тұрып кешірім сұрады

АҚШ-тың бірнеше қалаларында полиция қызметкерлері қара нәсілді Джордж Флойдты өлтірген әріптестері үшін кешірім сұрап, халық алдында тізе бүкті.

Әлеуметтік желіде тарап кеткен видеолардың бірінде полицияның бұл әрекетіне риза болған халық оларды қоршап алғаны көрініп тұр.

Айта кетейік, Американың ірі қалаларында Джордж Флойдтың өлімінен кейін көтеріліс басталды. Полиция қызметкері мойнын басып өлтірген видео интернетке тарап кеткен болатын. Сол ролик ел бойынша жаппай наразылық акцияларына бастады. АҚШ президенті Дональд Трамп көшеге шыққан халықты армияны шақырып, тыныштандырмақ. Алайда, конгрестің келісімін алмай, ол бұл әрекетке бара алмайды.