Мәжіліс Салық кодексінің жаңа жобасын бірінші оқылымда мақұлдады

Парламент Мәжілісі Салық кодексінің жаңа жобасын бірінші оқылымда мақұлдады, деп хабарлайды Azattyq Rýhy.

Дауыс беру көрсеткіші мынандай: 93 депутаттың 76-сы жобаға дауыс берді. 7-еуі – қарсы, 9-ы – қалыс қалды.

Кодекс жобасы аясында салықтар мен басқа да міндетті төлемдердің, сондай-ақ салық жеңілдіктерінің санын қысқарту көзделеді.

Корпоративтік табыс салығының ставкалары:

• банк секторы үшін – 25%;
• ойын бизнесі үшін – 25%;
• әлеуметтік сала – 10%;
• қайта өңдеу саласы – 10%;
• ауыл шаруашылығы – 3%.

Базалық мөлшерлеме 20% деңгейінде қалады.

Қолданыстағы арнайы салық режимдері үшке дейін қысқарады: өзін-өзі жұмыспен қамтығандар үшін, жеңілдетілген декларация негізінде және шаруа немесе фермер қожалықтары үшін.