«Барында бағалаңыздар»: Қайрат Нұртастың ата-анасы жанкүйерлерін жылатты

Танымал әнші Қайрат Нұртастың әкесі Нұртас Айдарбеков Instagram желісінде жаңа бейнежазба жариялап, жұртшылықтың жүрегін елжіретті. Видеода оның жары Гүлзира Айдарбекова көрінеді, деп хабарлайды Azattyq Rýhy. 

Кадрлардан байқағанымыздай, Нұртас Айдарбеков жастық шағын еске алып, жарына арнап гитарамен ән шырқаған. Алайда бұл жолы ол ата-аналарға арналған мұңды әнді орындаған.

«Бүгін әке-шешем еске түсіп, әніммен жеткізгім келіп тұрғаны. Жандары жәннатта болсын! Ата-аналарыңыз аман болсын, барында бағалаңыздар, жастар!» – деп жазды ол.

Желі қолданушылары бұл жазбаны жылы қабылдап, бір жағынан көңілдері босап, көздеріне жас алғандарын да жасырмады: «Нұреке, бүгін ерекше романтик болып отырсыз», «Нұртас аға, сіз нағыз алтын адамсыз. 100 жасқа дейін жасаңыз!», «Дауысыңыз ерекше, шығармашылық адамы ретінде де, жанұя адамы ретінде де құрметтеймін», «Бүгін әкемнің туған күні еді. Тірі болғанда 73-ке келер еді. 18 жыл бұрын өмірден озды» деп жазды қолданушылар.