Қостанай облысында 8 жастағы бала соққыға жығылған
Сотқа дейінгі тергеу басталды
Қостанай облысы Лисаковск қаласында 8 жастағы балаға дене жарақатын салу фактісі бойынша сотқа дейінгі тергеу басталды, деп хабарлайды Azattyq Rýhy Astana TV арнасына сілтеме жасап.
«3 сәуір күні баланың мектепке каникулдан кейін келмегені туралы ақпарат тіркелген. Осыдан кейін балаға қатысты зорлық-зомбылық белгілері анықталып, іс полиция қарауына берілді», — делінген материалда.
Қостанай облыстық полиция департаментінің мәліметінше, қазіргі уақытта барлық қажетті тергеу шаралары жүргізіліп жатыр – сұрақ-жауаптар алынып, сот-медициналық сараптама тағайындалды.
Баланың денсаулығы мен қауіпсіздігін қамтамасыз ету мақсатында, ювеналды полиция қызметкерлері оны арнайы әлеуметтік қызметтерді қажет ететін балаларды қолдау орталығына орналастырды. Қазіргі уақытта бала биологиялық әкесімен бірге екені хабарланды.
