«Ұят-ай!»: Жания Джуринская кеудесіне имплант салдырып, оны жұртқа көрсетіп мақтанды (ВИДЕО)

Танымал актриса Жания Джуринская омырауына имплант салдырып, онысын жұртқа көрсетіп мақтанды, деп хабарлайды Azattyq Rýhy.

Актриса осыған қатысты арнайы видео түсіріп, әлеуметтік желідегі парақшасында жариялады.

«Өзіңді сол қалпыңда қабылдай алмайсың ба деп сұрағандар болды. Өзіңді қабылдау – бәрінен бас тарту деген сөз емес. Ол ешнәрсеге қарамастан өзіңнің ережелеріңнің, ішкі әлеміңнің болуы, өзіңе, арманыңа адал болу.

Бәрінен бұрын операция жасатуға бара жатқаным үшін анам ұрысты. Ал қазір тфай-тфай. Сіздер де түкіріп қойыңыздар», - деп жазды актриса желідегі парақшасында.

Оның бұл видеосын желі қолданушыларының бір бөлігі сынға алса, енді бір бөлігі қылжаққа айналдырды.

«Ұят-ай, көрсететін түк қалмады ма?», «Осы видеоны әкең қалай көреді?», «Әлем қайда кетіп барады? Бәрін камераға түсіру шарт па?», «Шынымен осылай көрсете салдыңыз ба?», - деп жазды желі қолданушылары.