«Қауіпсіздігіме қатты алаңдаймын»: танымал отандық актер сүйіктісін соққыға жыққаны туралы хабар тарады (ВИДЕО)

Танымал отандық актер Серік Шәріп жанжалдың ортасында қалды. Оның бұрынғы сүйіктісі өзін соққыға жықты деп айыптап жазба жариялады, деп хабарлайды Azattyq Rýhy.

Актердің бұрынғы сүйіктісі – Әлия Бутеева. Instagram-дағы аккаунтында ол өзін сүйіктісінің зорлық-зомбылығының құрбаны ретінде елестете алмағанын жазды.

Ол оқиғаның психологиялық зардаптарына қарамастан, шындықты ашу қажет деп санайтынын айтты.

«Егер мен бұл фотолар мен видеоны жарияламасам, ең алдымен өзімді және отбасымды сатқан боламын», - деген ол осындай жағдайға тап болуы мүмкін басқаларға қолдау көрсетудің маңызды екенін айтты.

Актердің сүйіктісі өз сөзінде шынайы сүйіспеншілікпен басталған қарым-қатынастың зорлық-зомбылыққа жеткеніне өкініш білдірді және мұндай жағдайларды жасырмау керек деген ойын баса айтты.

«Мен өзімді және ар-намысымды қорғауға мәжбүрмін. Мұндай жағдайды басынан өткергендердің бәрінен бұл жағдай қалыпты емес екенін түсінуін сұрағым келеді. Шынайы сенім мен махаббаттан басталған нәрсенің осындай жағдайға айналғаны өкінішті-ақ. Осы жазбаммен айтқым келетін жалғыз нәрсе: өкінішке қарай, мен дереу арыз жазуым қажет еді, бірден қарсы шығып, шыдамауым керек еді. Қатты шошығаным сонша не болғанын аңғарып үлгере алмай қалдым», - деді Әлия Бутеева.

Instagram Stories-тегі жазбасында актердің экс-сүйіктісі енді өзінің қауіпсіздігіне қатты алаңдайтынын ерекше айтып өтті.

«Қазіргі уақытта өзімді тек өзім ғана қорғай алатынымды түсіндім. Әлбетте енді өзімнің қауіпсіздігіме қатты алаңдаймын. Осы жағдайды жариялауым керек пе, керек емес пе деп ойланып жүрдім. Қатты көңілім қалды әрі ауыр тиді. Осының бәріне қанша энергиям зая кетті. Жаңа ғана видеоүндеу жасамақ едім, бірақ денем тәлтіректеп тұр. Мен де адаммын ғой. Қатты алаңдап отырмын. Қолдауларыңызға алғысым шексіз. Мен бәрін көріп отырмын.

Ол енді тоқтаусыз хабарласып жатыр. Ал мен тұтқаны көтермей отырмын. Сәлден кейін жағдайды саналы түрді стористерде түсіндіргім келеді», - деп жазды Серік Шәріптің экс-сүйіктісі.

Өз кезегінде Алматы полиция департаментінің баспасөз қызметі бұл оқиғаға қатысты тергеу жүріп жатқанын хабарлады.

«Оқиғаның болған орны мен уақытын қоса алғанда, объективті мән-жайлар анықталып, Қазақстан Республикасының заңнамасына сәйкес шаралар қабылданатын болады», - делінген хабарламада.

Ал актердің өзі бұл оқиғаға қатысты әзірге түсініктеме берген жоқ.