Қазақстанның солтүстігі мен шығысында қар аралас жаңбыр жауады

«Қазгидромет» РМК алдағы үш күнге арналған ауа райы болжамын жариялады, деп хабарлайды Azattyq Rýhy.

Синоптиктердің мәліметінше, барикалық құрылымдардың өзгеруі Қазақстанның көп бөлігінде ауа райының тұрақсыз болуына себеп болады.

«Жаңбыр мен найзағай болады, солтүстік және шығыс аймақтарда түнде жаңбырдың қарға ауысуы мүмкін. Тек орталық және оңтүстік аймақтарда жоғары қысым аймағының әсерінен негізінен жауын-шашынсыз ауа райы күтілуде.

Батыс, солтүстік және шығыс аймақтарда желдің күшеюі болжанады, таулы аймақтарда тұман болады.

Қазақстанның көп бөлігінде күндізгі температураның 8-13°C-тан 15-20°C-қа дейін көтерілуі күтілуде, оңтүстікте 18-23°C-тан 20-28°C-қа дейін, оңтүстік-шығыста 12-20°C-тан 18-23°C-қа дейін, шығыста – 5-15°C, ал батыста 15-25°C-тан 13-22°C-қа дейін төмендеуі мүмкін», - делінген ауа райы болжамында.