БҚО-да 22 наурыз күні қанша сәби өмірге келгені белгілі болды

Батыс Қазақстан облысында Ұлыстың ұлы күні – Наурыз мерекесінде қанша сәби өмірге келгені белгілі болды. Бұл туралы Azattyq Rýhy агенттігі «Мой город» басылымына сілтеме жасап хабарлайды.

Наурыз мейрамы күні Батыс Қазақстан облысында 26 сәби дүниеге келді.

Батыс Қазақстан облысы денсаулық сақтау басқармасының мәліметінше, бір қызығы, ұл балалар мен қыз балалардың саны бірдей болды. Балалар мен олардың аналарың жағдайы ойдағыдай.

Айта кетейік, Қазақстанда бала туу көрсеткіші төмендеген. 2024 жылы дүниеге келген сәбилер саны 2023 жылға қарағанда 22 мың 503 балаға, 2022 жылмен салыстырғанда  37 мың 970 балаға аз.