Былтыр дүниеге келген сәбилердің басым бөлігі - ұл балалар

Қазақстанда бала туу көрсеткіші төмендеген. 2024 жылы дүниеге келген сәбилер саны 2023 жылға қарағанда 22 мың 503 балаға, 2022 жылмен салыстырғанда  37 мың 970 балаға аз, деп хабарлайды Azattyq Rýhy.

Былтыр 365,9 мың бала дүниеге келген, оның 51,6% ұл болса, 48,4% – қыз.

2024 жылы жалпы туу коэффициенті 1000 адамға шаққанда 18,15 нәресте, ал 2023 жылы бұл көрсеткіш 19,52 нәресте болған. Ең көп сәби Түркістан, Маңғыстау облыстарында және Шымкент қаласында туған.

Былтыр 50 жастан асқан әйелдер 100 сәбиді босанған. 84,2 мың бала отбасының тұңғышы болса, 60 мыңнан астам бала отбасының төртіншісі атанды.

Аталған кезеңде 3 721 егіз, 46 үшем дүниеге келген.