Телефоннан иесінің дауысын танып, кісінеген арғымақ жұрттың жүрегін елжіретті (ВИДЕО)

Телефон арқылы иесінің дауысын таныған арғымақ жұрттың жүрегін елжіретті, деп хабарлайды Azattyq Rýhy.

Видеоқоңырау арқылы иесінің дауысын танып, сәйгүлік кісінеп, белгі береді. Желіде таралған видеоға көңіл бөлсек, оқиға Қырғызстан аумағында болғанын байқауға болады.

Желі қолданушылары жылы лебіздерін білдіріп, жануардың тектілігіне ризашылықтарын білдірді.

«Ер жігіт елін сағынады, арғымақ жерін сағынады», «Адамның жылағысы келеді екен», «Сәйгүліктің жүрегін ауыртпай, сапардан аман-есен орал, інім», «Иесін сағыныпты ғой. Жүрегім ауырып кетті», «Жануардың ақылдысын қара», «Жаным десе, ұғып тұрғанын қара», - деп жазды желі қолданушылары.