Атырау тұрғындары туған туыстарын жерлей алмай әлек: жол балшық астында қалған (ВИДЕО)

Атырау тұрғындары жақындарын ақтық сапарға шығарып саларда қиын жағдайға тап болды. Зираттарға апаратын бұрын-соңды төселмеген жолдар лайға айналып, қатынау мүмкін болмай қалған, деп хабарлайды Azattyq Rýhy.

HALYQSTAN хабарлауынша, желіде тараған видеода жерлеу көлігінің саз балшыққа батып қалғанын көруге болады. Оны арнайы көлікпен сүйреп шығаруға тура келді, тіпті, марқұмның денесін уақытша далаға шығарып қойған. Мұндай жағдай жылда, көктем сайын қайталанады екен. 

Атырау әкімдігі бұл мәселенің жуық арада шешілетінін және зираттарға апаратын жолдарға асфальт төселетінін мәлімдеді.