Наурызға дайындық өртке ұласты: екі қабатты үй түгелдей жанып кетті

Әзербайжандағы Жалилабад облысының Сабирабад ауылында екі қабатты жер үй түгел өртеніп кетті, деп хабарлайды Azattyq Rýhy Oxu.Az порталына сілтеме жасап.

Өрт Рашид Сафаровқа тиесілі жалпы ауданы 220 шаршы метр (әр қабаты 110 шаршы метр) болатын 10 бөлмелі үйде тұтанған. Оқиға орнына Әзербайжан Төтенше жағдайлар министрлігіне қарасты Мемлекеттік өртке қарсы қызметтің Жалилабад аудандық бөлімі жетті. Алайда өртті сөндіру мүмкін болмады – үй толығымен жанып кетті.

Алдын ала мәлімет бойынша, өрттің шығуына ұзақ уақыт қосылып тұрған электр пеші себеп болған. Пеште Наурыз мерекесіне арналған тәттілер дайындалып жатқан.

Оқиға салдарынан зардап шеккендер жоқ. Қазір тергеу амалдары жүргізіліп жатыр.