Қостанай облысында боранды түнде 170-тен аса ауыр жүк көлігі жолда қалып қойды
Қырғызстаннан Ресейге бара жатқан автобусқа көмек көрсетілді
Қостанай облысында боранды түнде 174 ауыр жүк көлігі айдалада жолда қалып қойды, деп хабарлайды Azattyq Rýhy.
ҚР ТЖМ мәліметінше, қарлы боран мен көктайғақтың салдарынан Қостанай облысының жолдарында ауыр жүк және қоғамдық көліктер үшін қозғалыс шектелген. Шектеулер төрт облыстық және екі республикалық маңызы бар жолда енгізілді.
Қазіргі уақытта Октябрь кенті мен Әулиекөл арасындағы автожолда Ақмола облысынан келе жатқан фуралар, камаздар, газельдер мен автобустарды қоса алғанда 174 ауыр жүк көлігі тұрып қалған.
«Полиция қызметкерлері Қырғызстаннан Ресейге бара жатқан автобусты тоқтатты. Салонда 4 бала, 5 әйел және 42 ер адам болды. Ауа райының нашарлауына байланысты көлік қозғалысы қауіпті болып, жолаушылар жергілікті мектептің жылыту пунктіне орналастырылып, оларды сусынмен, тамақпен және түнейтін орынмен қамтамасыз етті.
Блокпосттардағы жол қауіпсіздігін патрульдік полицейлер, ТЖД, «ҚазАвтоЖол» ҰК» АҚ қызметкерлері және жергілікті билік қамтамасыз етіп жатыр», - делінген хабарламада.
