Шымкентте жол ережесін бұзған 18 мопед жүргізушісі жазаланды (ВИДЕО)

Олар жол ережесін бұзып, айналасына қауіп төндірді

Фото: Polisia.kz/Видеодан скрин

Шымкентте жол ережесін өрескел түрде бұзған 18 мопед жүргізушісі жазаға тартылды, деп хабарлайды Azattyq Rýhy.

Полицияның мәліметінше, түнгі уақытта қала көшелерінде жүйткіп, жол қозғалысына қауіп төндірген 18-20 жас аралығындағы жасөспірімдердің әрекеті камераларға түсіп қалған.

Құқық бұзушыларды ұстау үшін патрульдік полиция қызметкерлеріне бағыттама берілді.

«Жастар ӘҚБтК-нің алты бабы бойынша жауапкершілікке тартылды. Қолданыс талаптарына сай келмейтін көлік құралдары айып тұрағына жеткізілді.

Жол қозғалысы ережелерін сақтаңыз. Сіздің қауіпсіздігіңіз өз қолыңызда», - делінген хабарламада.

Мақалада

#Шымкент #полиция #мопед

Алдыңғы жаңалық

Энергетика министрлігі шетелдік БАҚ-тағы жарияланымдарға ресми жауап берді