Канадада жаңа премьер-министр сайланады

9 наурызда Канадада премьер-министрді сайлау өтеді. Бұл шешім Джастин Трюдоның отставкасынан кейін қабылданды, деп хабарлайды Azattyq Rýhy «РИА Новости» агенттігіне сілтеме жасап.

Бұл күні билеуші Либералдық партияның мүшелері жабық дауыс беру арқылы премьер-министр қызметіне үміткерді анықтайды.

Джастин Трюдоның отставкаға кетуіне көші-қон саясаты мен жоғары инфляцияға байланысты халық наразылығы себеп болған. Ол Канада үкіметін он жыл бойы басқарды.

Сарапшылардың пікірінше, сайлауда Марка Карни жеңіске жетуі мүмкін. Ол 2008 жылғы әлемдік қаржы дағдарысы кезінде Канада экономикасын тұрақты ұстай білген тәжірибелі экономист ретінде танымал. Кейінірек ол Англия банкінің тарихтағы алғашқы шетелдік басшысы болып, бұл қызметті 2020 жылға дейін атқарды. Кейін БҰҰ-ның климат және қаржы мәселелері жөніндегі арнайы өкілі болып тағайындалды.