Қар көшкінінен екі альпинист қаза тапты: тірі қалған жігіт екеуінің денесін қазып шығарған (ВИДЕО)

Қарашай-Черкесиядағы Архыздың София шатқалында 16 адамнан тұратын альпинистер тобы қар көшкініне тап болды, екеуі қаза тапты, деп хабарлайды Azattyq Rýhy 112 Telegram-арнасына сілтеме жасап. 

Топтың ішінен үшеуі барлау үшін алға шығып, көшкінге тап болды. Олардың бірі қашып үлгерсе, қалған екеуі қалың қар мен мұз қабатының астында қалып қойған.

Аман қалған альпинист өзі қазып, жолдастарының мәйітін шығарған. Қайтыс болғандар – Николай Южаков пен Константин Колокольников.

Солтүстік Осетия аумағында да қар көшкіні жүріп, 2 адам жоғалып кеткен. Қазір оларды құтқарушылар іздестіріп жатыр.