Ұлытау облысында алаяқтық жасап, 30 млн теңге тапқан күдікті Тбилисиге қашып кеткен
Алаяқтық жасады деген күдікт іГрузиядан экстрадицияланды
Ұлытау облысында алаяқтық жасап, 30 млн теңге тапты деген күдікті ер адам Тбилисиге қашып кеткен жерінен экстрадицияланды, деп хабарлайды Azattyq Rýhy.
Бас прокуратура мен Ішкі істер министрлігінің қызметкерлері Қазақстан Республикасының Грузиядағы Елшілігінің көмегімен бірнеше рет алаяқтық жасады деген күдікті Қазақстан азаматын қылмыстық жауапкершілікке тарту үшін Тбилисиден экстрадициялады.
Ведомство мәліметінше, 2020 жылы ол топ болып алдын ала сөз байласып, субсидия алуға көмек көрсету сылтауымен Ұлытау облысының 88 тұрғынының қаражатын иемденіп, жалпы сомасы 30 миллион теңгеден астам шығын келтірген.
«Екі сыбайласы әртүрлі жазаға тартылды, ал күдікті қылмыс жасағаннан кейін қашып кеткен, сондықтан ол халықаралық іздеуге жарияланды.
2024 жылы ол Грузия аумағында анықталып, Қазақстан Республикасы Бас прокуратурасының сұрау салуы бойынша отанына экстрадицияланды. Қазір күдікті Ақтау қаласының тергеу изоляторына қамауға алынды.
Айыпталған қылмысты жасағаны үшін мүлкі тәркіленіп, үш жылдан жеті жылға дейін бас бостандығынан айыру жазасы қарастырылған.
Бас прокуратура азаматтарды алаяқтардың құрбаны болудан сақ болуға шақырады. Өзіңізді және жақындарыңызды қаржылық шығындардан қорғаңыз», - делінген Бас прокуратураның хабарламасында.
