Қазақстанда 4,2 мыңнан астам шетелдік заңсыз такси жүргізушісі болған

Прокурорлар елдегі такси компанияларын тексеріп, онда мыңдаған шетелдіктің заңсыз жұмыс істеп жүргенін анықтады, деп хабарлайды Azattyq Rýhy.

Ел бойынша жұмыс істейтін 400 такси компаниясында жұмыс істеуге рұқсаты жоқ 4237 шетелдік азамат болған.

«Көші-қон қызметі комитеті такси компанияларына да, елде заңсыз жұмыс істеген шетелдіктерге де қатысты тиісті шаралар қолдану мәселесін қозғайтын прокуратураның қадағалау есебін қарап жатыр», - деп хабарлады прокуратура.

Қазақстанда көші-қон заңнамасын бұзғаны үшін 346 такси жүргізушісі, шетелдік жұмыс күшін тартқан 148 қазақстандық әкімшілік жауапкершілікке тартылды.

Нәтижесінде өзге елдің 112 азаматы қамауға алынса, 156-сы елден шығарылды.