Қазақстандықтардың 237 млн теңгесін алаяқтықпен алған күдікті Бішкекте ұсталды

Бішкек әуежайында аса ірі мөлшерде алаяқтық жасағаны үшін іздеуде жүрген 26 жастағы Қазақстан азаматшасы ұсталды. Бұл туралы Azattyq Rýhy агенттігі Polisia.kz-ке сілтеме жасап хабарлайды.

Белгілі болғандай, күдіктіні ұстау Қазақстан ІІМ Интерпол Ұлттық орталық бюросының сұрауы бойынша жүргізілген.

26 жастағы әйел адам 2023 жылдың жазында өзге адамдармен бірге банктердің бірінің клиенттерін алдау арқылы банк қосымшасының көмегімен ақша ұрлаған.

Келтірілген шығын 237 миллион теңгеден асады.