Қазақстанның екі өңірінде ескерту жарияланып, байланыс үзілді
«ҚазАвтоЖол» жол қозғалысына байланысты хабарлама таратты
Ауа райына байланысты Ақмола және Қостанай облыстарында көлік қозғалысына шектеу қойылды, деп хабарлайды Azattyq Rýhy.
«ҚазАвтоЖол» мәліметінше, ауа райының бұзылуына байланысты «Жезқазған-Петропавл»автожолының 377-440 шақырым аралығындағы учаскесінде (Қостанай облысы шекарасынан қаласына дейін) көліктің барлық түрінің қозғалысына шектеу қойылады.
Жолды 2025 жылғы 29 қаңтар сағат 08:00-де ашу жоспарланған.
Сол сияқты Қостанай облысында да шектеу енгізілді.
«Ауа райына байланысты «Жезқазған-Петропавл» автожолының 339-377 шақырым аралығындағы учаскесінде (Арқалық қаласынан Ақмола облысының шекарасына дейін) көліктің барлық түрінің қозғалысына шектеу қойылады.
Жолды 2025 жылғы 29 қаңтар сағат 08:00-де ашу жоспарланған», - делінген «ҚазАвтоЖол» хабарламасында.
