Жол сапасы бойынша аутсайдер облыс - БҚО
Батыс Қазақстан облысындағы жолдардың 71,3 пайызы жөндеуді талап етеді. Бұл – 2018 жылғы жағдай бойынша ел облыстары арасындағы ең үлкен көрсеткіш. Бұл туралы ҚР Индустрия және инфрақұрылымдық даму министрлігі хабарлайды
БҚО-дағы жергілікті маңызға ие автомобиль жолдарының жалпы ұзындығы 5,1 мың шақырымды құрайды. Оның тек 28,7%-ы эксплуатациялық талаптарға сай.
Ал еліміздегі ең жақсы жолдар Маңғыстау облысына тиесілі. Мұнда облыстық және аудандық маңызы бар автомобиль жолдарының 92%-ы жақсы және қанағаттанарлық жағдайда. Айта кетейік, Маңғыстау облысындағы жергілікті жол желісінің ұзындығы 1,4 мың шақырымды құрайды. Бұл Батыс Қазақстан облысындағы жергілікті жолдардың жалпы ұзындығынан 4 есе кем.
Айта кетейік, «Нұрлы жол 2020-2025» мемлекеттік бағдарламасы аясында ҚР ИИДМ бір жылда Қазақстан өңірлеріндегі жолдардың 5 мыңға дейінгі шақырымына жөндеу жұмыстарын жүргізеді.
