Петропавлда ағаш қоймасында ірі өрт болды

Солтүстік Қазақстан облысында ағаш материалдарын сатумен айналысатын кәсіпорын аумағында ірі өрт болды, деп хабарлайды Azattyq Rýhy ҚР Төтенше жағдайлар министрлігінің баспасөз қызметіне сілтеме жасап.

Өрт Петропавл қаласындағы кәсіпорын аумағында шыққан.

«Кәсіпорын аумағында орналасқан жеке гаражда өрт шығып, ішінде екі жүк көлігі болған. Алдын ала мәлімет бойынша, өрт аумағы 252 шаршы метрді құрайды», – делінген ТЖМ мәлімдемесінде.

ТЖМ өкілдерінің айтуынша, өртті сөндіру кезінде ағаш материалдарының жоғары жанғыштығы қиындық тудырған. Бұл өрттің тез таралу қаупін арттырған.

Қазіргі мәлімет бойынша, зардап шеккендер туралы ақпарат түскен жоқ.