БҚО-да 44 жылқы ұрлаған топ ұсталды
Келтірілген залал 17,6 миллион теңгені құрады
БҚО ауыл тұрғынына тиесілі бір үйір жылқыны ұрлаған топ қолға түсті, деп хабарлайды Azattyq Rýhy.
Полиция мәліметінше, күдіктілер өткен жылдың желтоқсанында Батыс Қазақстан облысының ауданында жайылымда жүрген 44 жылқыны ұрлап, оларды көршілес ауданға, ұсталғандардың бірінің тұрғылықты жеріне айдап әкеткен.
Ұрланған мал тәркіленіп, иесіне қайтарылды. Келтірілген залал 17,6 миллион теңгені құрады.
Ұсталғандардың екеуі бұрын мал ұрлығы үшін қылмыстық жауапкершілікке тартылған. Топ құрамында облыс орталығы мен Батыс Қазақстан облысы аудандарының тұрғындары болған.
Қазіргі уақытта тергеу амалдары жүргізілуде, сондай-ақ осы топтың басқада осыған ұқсас қылмыстарға қатыстылығы тексерілуде. Күдіктілердің үшеуі уақытша ұстау изоляторына қамалды.
