Шымкентте ерекше ота жасалды

Қазақстандағы үшінші мегаполисте алғаш рет кеңірдектің циркулярлы резекциясы отасы жасалды, деп хабарлайды Azattyq Rýhy.

Онкологиялық орталығы бар көпбейінді ауруханада қатерлі ісікке шалдыққан 72 жастағы тұрғынға ота жасалды. III дәрежелі кеңірдек стенозы, ауыр дәрежедегі тыныс алу жеткіліксіздігі диагнозымен түскен науқасқа шұғыл түрде дәрігерлердің көмегі қажет болды.

Шетелдерде біліктілік арттырған онкохирургтар Самат Исмаилов пен Талап Ақпанбетов, кардиохирург Нұрғиса Пернебаев, анестезиологтар Данияр Жайын, Бахтияр Абетаев күрделі отаны сәтті жүзеге асырды. Кеуде қуысын ашып, кеңірдектің зақымданған бөлігін алып тастап, жоғары тыныс алу жолдарын қалпына келтірді.