Ұлытау облысында боранды түні мал іздеуге шығып, жоғалып кеткен ер адам құтқарылды (ВИДЕО)

Оның көлігі қар құрсауынан шыға алмай қалған

Фото: Видеодан скрин

Ұлытау облысында боранды түні мал іздеймін деп шығып, жоғалып кеткен ер адам құтқарылды, деп хабарлайды Azattyq Rýhy.

Кеше таңертең Амангелді ауылдық округінің Сарлық ауылынан Қосконған қыстағына қарай жеңіл автокөлікпен шыққан адамды сәтті іздестіру-құтқару операциясы жүргізілді.

ТЖМ мәліметінше, ер адам мал іздеуге шығып, бірақ көп ұзамай байланысқа шықпай қалған. Құтқарушылар дереу іздеуге шығып, түнде жоғалған адамды тапты. Белгілі болғандай, оның автокөлігі Сарлық ауылынан 60 шақырым қашықтықта қар құрсауында қалды.

Медициналық көмек қажет болған жоқ. Құтқарылған ер адам Ұлытау ауылындағы туыстарына жеткізілді.

Мақалада

#қарлы боран #Ұлытау #малшы #Ұлытау облысы

Алдыңғы жаңалық

Ақтөбеде отбасылық жанжалдан кейін ер адам суицид жасамақ болды (ВИДЕО)