Қазақстанда былтыр есірткі таратқан 60-тан астам жасөспірім ұсталды

Қазақстанда былтыр есірткі таратқан 61 жасөспірім ұсталды, деп хабарлайды Azattyq Rýhy.

ІІМ мәліметінше, есірткі қылмысына қарсы іс-қимыл қызметкерлерімен Астана қаласында елордалық жоғары оқу орнының 16 жастағы екі студенті ұсталды. Олардың біреуінен аса ірі көлемде синтетикалық есірткі тәркіленді.

Бұған қоса, Қарағанды облысында екі жасөспірім ұсталды. Олар – 9-10 сынып оқушылары. Жасөспірімдер есірткі тарататын Telegram-арнаға сілтемесі бар жапсырмаларды жапсырумен айналысқан.

Аталған фактілер үшін қылмыстық жаза көзделеді. 2024 жылы полициямен есірткінің заңсыз айналымына қатысы бар 61 кәмелетке толмаған, ал жыл басынан бері алты жасөспірім ұсталды.