Жасөспірім мектеп оқушыларынан ақша бопсалаған: сот оның анасын жазаға тартты
Ақша бопсалаған бала небәрі 13 жаста екені анықталды
Мектеп оқушыларынан ақша бопсалаған кәмелетке толмаған ұлының ісі үшін анасы жауапқа тартылды, деп хабарлайды Azattyq Rýhy.
Маңғыстау облыстық сотының мәліметінше, 13 жастағы жасөспірім мектеп оқушыларынан ақша талап етіп, ұрып-соғатынын айтып қорқытқан. Бұл жағдай Маңғыстау облысының кәмелетке толмағандардың істері жөніндегі мамандандырылған ауданаралық сотында қаралды.
Сот отырысында жасөспірім өз кінәсін мойындап, жазаны неғұрлым жеңілдетуді сұрады.
Қазақстан Республикасы Қылмыстық кодексінің 127-2-бабының 3-бөлігі бойынша (12 жастан 16 жасқа дейінгі жасөспірімдер жасаған заңсыз істің жазасын ата-анасы немесе оларды алмастыратын адамдар тартады.
Бұл жағдайда жасөспірімнің анасына 10 АЕК (36 920 теңге) көлемінде айыппұл түріндегі әкімшілік айыппұл салынды.
Серіктес жаңалықтары
Көп оқылған
Редактордың таңдауы
