Ресейде есірткі сатқаны үшін іздеуде болған ер адам Алматыда қолға түсті

Ресейде ол үйқамақта болған, алайда қашып кеткен

Фото: Алматы ПД

Ресейде есірткі қылмысы үшін іздеуде болған ер адам Алматыда қолға түсті, деп хабарлайды Azattyq Rýhy.

Қалалық ПД мәліметінше, 26 жастағы Станислав Конаков есірткі қылмысын жасағаны үшін Ресей Федерациясы ІІМ мемлекетаралық іздеуге жариялаған.

Сот оған бұлтартпау шарасы ретінде үйқамаққа алу туралы шешім қабылдаған болатын. Алайда, күдікті қашып кеткен.

«Жедел-іздестіру шараларының нәтижесінде қашқынды Алматы қаласы ПД Есірткі қылмысына қарсы күрес басқармасының қызметкерлері қолға түсірді.

Ол қаладағы тұрғын үйлердің бірінде жасырынып жүрген. Күдікті уақытша ұстау изоляторына қамалды. Оны Ресей Федерациясына экстрадициялау мәселесі шешіліп жатыр», - делінген ПД хабарламасында.

Мақалада

#Алматы #Ресей #есірткі #Экстрадиция #есірткі саудасы #есірткімен күрес

Алдыңғы жаңалық

Алматыда троллейбус 20 жастағы жігітті қағып кетті: ол оқиға орнында көз жұмды