Шығыс Қазақстанда қар көшкініне байланысты жол қозғалысы шектелді

Жол қозғалысы шамамен сағат 15:00-де қалпына келеді

Фото: © istockphoto.com

2025 жылдың 12 қаңтары сағат 09:00-ден бастап Шығыс Қазақстан облысында қар көшкінінің алдын алу жұмыстарына байланысты республикалық маңызы бар жолдың бір бөлігінде барлық көлік түрінің қозғалысына уақытша шектеу қойылды. Бұл туралы «ҚазАвтоЖол» мәлімдеді, деп хабарлайды Azattyq Rýhy.

«Шектеу Өскемен — Алтай — Большенарым — Катонқарағай — Рахман қайнарларыавтожолының 46-66 шақырым аралығында, яғни Солтүстік ауылы мен Серебрянск қаласының арасындағы учаскеде енгізілді», — делінген хабарламада.

«ҚазАвтоЖол» өкілдерінің мәліметінше, жол қозғалысы шамамен 2025 жылдың 12 қаңтары сағат 15:00-де қайта қалпына келеді.

Мақалада

#ҚазАвтоЖол #ШҚО #жол #қар көшкіні

Алдыңғы жаңалық

Оңтүстік Кореядағы ұшақ апаты: «қара жәшіктегі» алғашқы деректер белгілі болды