Атырау мұнай өңдеу зауытындағы апаттың салдарымен күрес жалғасуда

Апат қаңтардың 9-ы күні кешке орын алған. Төгілген бензинді сору үшін арнайы сорғылар пайдаланылуда, деп хабарлайды Azattyq Rýhy агенттігі Orda.kz сайтына сілтеме жасап.

Апат орнына облыстық ТЖД мамандары барған. Мұнай өңдеу зауытының өзі апат туралы ақпарат таратқан жоқ. Алайда облыстық экология департаменті болған жайтқа қатысты тексеріс жүргізетіндерін айтты.

«Біз «Атырау мұнай өңдеу зауыты» ЖШС-да болған апаттан құлағдармыз. Қазір Кәсіпкерлік кодексіне сай экология департаменті тексеріс тағайындау үшін жұмыс жүргізіп жатыр», –  делінген хабарламада.

Бүгін, яғни қаңтардың 10-ы Атырау мұнай өңдеу зауытының директоры Ғалымжан Жусанбаевтың еңбек шарты аяқталатынын айта кеткен жөн.