Магистратура бойынша білім гранттары иегерлерінің тізімі жарияланды
Жалпы конкурсқа 2,3 мың адам қатысты
Магистратура бойынша білім гранттары иегерлерінің тізімі жарияланды. Бұл туралы ҚР Ғылым және жоғары білім министрлігінің баспасөз қызметінен мәлім етті, деп хабарлайды Azattyq Rýhy.
Ведомство мәліметінше, мемлекеттік гранттар Республикалық комиссия отырысының қорытындысы бойынша тағайындалды. Комиссия құрамында министрліктің, мүдделі мемлекеттік органдардың, бiлiм саласы кәсiподақтарының, ҚР Ұлттық кәсiпкерлер палатасы және қоғамдық ұйым өкілдері болды.
«Білім беру гранттары магистратураға түсу үшін кешенді тестілеудің нәтижелері бойынша конкурстық негізде тағайындалды. Магистратура бойынша білім беру гранттарын тағайындау конкурсына ғылыми-педагогикалық бағыт бойынша 75 балдан, бейіндік бағыт бойынша 30 балдан жоғары жинаған түсушілер қатысты. Жалпы конкурсқа 2,3 мың адам қатысты», - делінген хабарламада.
Мемлекеттік білім беру гранты иегерлерінің тізімімен мына сілтеме арқылы танысуға болады.
