Катар COVID-19-бен күресу үшін медициналық қорғаныс құралдарын жіберді

Бүгін «Qatar Airways» әуекомпаниясының арнайы рейсімен Дохадан Нұр-Сұлтанға жалпы салмағы 8.5 тонна құрайтын гуманитарлық жүк жеткізілді, деп хабарлайды ҚР Сыртқы істер министрлігі.

«Оның ішінде жеке қорғану құралдары бар - жоғары сапалы N95 респираторлы медициналық маска, арнайы киім, қолғап, көзілдірік, халат және өзге де медициналық құралдар»,- делінген хабарламада.

Қазақстанның Сыртқы істер министрлігі Катар тарапына гуманитарлық көмек үшін алғысын білдіреді.

«Қатардың бұл игі әрекеті екі мемлекет арасындағы дәстүрлі достық қарым-қатынастың, сондай-ақ пандемияға қарсы іс-қимыл жөніндегі халықаралық күш-жігердегі ынтымақтастықтың көрінісі»,- делінген СІМ хабарламасында.

Гуманитарлық жүк медициналық мекемелер арасында одан әрі тарату үшін «СҚ-Фармация» ЖШС-на табысталады.