Талғар қаласының жаңа әкімі сайланды

15 желтоқсанда Алматы облысы Талғар ауданы Талғар қаласының әкімі сайлауы өтті. Сайлаушылар тізіміне 42 774 азамат енгізіліп, олардың 12 875-і дауыс беруге қатысты. Үйден дауыс бергендер саны – 24, деп хабарлайды Azattyq Rýhy.

Талғар қаласының әкімі лауазымына үш кандидат үміткер болды. Дауыс беру қорытындысы бойынша келесі нәтижелер тіркелді:

• Арыстанбек Абилхаирұлы – 9 071 дауыс;
• Жанибек Каденов – 1 875 дауыс;
• Әлібек Рамазанов – 1 140 дауыс;
• «Барлығына қарсы» деген таңдау жасағандар саны – 182.

«Сайлау қорытындысына сәйкес, Талғар қаласының әкімі болып Арыстанбек Абилхаирұлы сайланды. Ол 1983 жылы туған, «Талғар тұрғын үй» ЖШС-нің директоры және Талғар қаласының тұрғыны», — деп жазылған хабарламада.