Қазақстанның екі облысында көлік қозғалысы шектелді

Бүгін, 15 желтоқсанда, ауа райының нашарлауына байланысты республикалық маңызы бар екі жолдың кейбір учаскелерінде көлік қозғалысына шектеу енгізілді, деп хабарлайды Azattyq Rýhy «ҚазАвтоЖол» ұлттық компаниясына сілтеме жасап.

Шектеулер келесі учаскелерде енгізілді:

Түркістан облысында:

• 12:00-ден бастап Алматы – Ташкент – Термез республикалық автожолының 593-620 шақырымдары (Жамбыл облысының шекарасынан Тұрар Рысқұлов ауылына дейін) учаскесінде жүк көліктерінің қозғалысы шектелді.

Жамбыл облысында:

• 17:00-ден бастап Алматы – Ташкент – Термез республикалық автожолының 534-593 шақырымдары (Айша бибі ауылынан Түркістан облысының шекарасына дейін) жүк көліктерінің қозғалысына шектеу қойылды.

«ҚазАвтоЖол» азаматтарды жол жағдайлары туралы мәліметті алдын ала тексеріп, алыс сапарларға шықпауға және қауіпсіздік шараларын сақтауға шақырады.